Poème d'un grand amoureux de la Réunion

NOSTALG'..ILE...

Oté, mon ti péî

Poukoué ou lé loin d'moin?

Moin néna nostalgie,

Mi gaigne in pé sagrin,

Mi siporte pi l'exil...

Mon kèr lé en mizèr

Mi pens'sak instant

Ou lé kom in nénère,

Mi souviens dan'tan lontan,

Mi aimrait volé

Kom ti paille-en-queue,

Saute l'Océan bleu

Pou nou artrouvé...

Oté! Mon l'ile d'amour

Par lé hauts, par les bas

Dan'mon rève koméla

Mi mars dan'ton kontour.

Oté, mon l'ile créole

Mi rapelle déssis la tôle

Kan la plie, té y grène,

Ca té berce nout sommeil.

Oté! zoli ti galet

I mank à moin l'odèr

Vanille, safran, massalé...

Té, i sent bois'd'sentèr

Dan'Mafate, Cilaos

Gran matin, soley lévé,

Somin volkan Gran-Brûlé

Mon kèr lé kom margoze...

Mon rèv lé kom in l'espoir,

Bientôt mon Nostalgie

I sera dan'fénoir.

Mon ker y arprend vie

Bientôt mon nostalgie

I sra in lointain souvnir,

Ou va war, nou var'trouvé

La Réunion, mon bien aimée...

-------------

Alexis Sabuco

Avec l'aimable autorisation de l'auteur

Copyrigth 2008 tout droit réservés.